Искачување на ТИТОВ ВРВ 25.08.2013 (Недела)

Планинарскиот клуб - „ЈЕЛАК“ Тетово и планинарскиот клуб „ТЕТЕКС“- Тетово организираат летно искачување на највисокиот врв на Шар Планина – ТИТОВ ВРВ. Планинарскиот настан ќе биде организиран на 24 и 25 Август 2013 година.

Надморската височина на Титов Врв изнесува 2747 метри.
Искачувањето од Попова Шапка до врвот е околу 4 – 5 часа пешачење, на почетокот по макадамски пат, а потоа по маркирана патека, позната како Вакуфска патека.

Организираното планинарско искачување на врвот ќе се одвива по следната програма:
24.08 (Сабота)
o До 15:00 часот – пристигнување на планинарите во Тетово;
o 15:00 часот – организиран превоз до Попова Шапка од пред Домот на културата, по цена од 100 денари во еден правец;
o 17:00 – 19:00 часот - сместување на планинарите;
o 20:00 часот – свечено отворање на манифестацијата;
o 24:00 часот – повечерје.
25.08 (Недела)
o 05:30 часот – станување и припрема за марш;
o 06:30 часот - поаѓање на планинарите кон врвот;
o 11:00 часот – пристигнување на врвот;
o 12:00 часот – поаѓање кон Попова Шапка;
o 16:00 часот – пристигање на Попова Шапка
o 16:30 часот – организиран превоз кон Тетово по цена од 100 денари.

Сместување:
• Планинарски дом „Смрека“ – 200 денари
Сместувањето е организирано во планинарскиот дом Смрека, на Попова Шапка. Поради ограничените сместувачки капацитети, Ве молиме да се пријавите навреме.

Превоз:
За превоз до Попова шапка, ќе бидат обезбедени комбиња на 24ти (сабота) со поаѓање од пред центарот за култура – Тетово, со поаѓање во 15.00 часот и на 25ти (недела) со поаѓање во 05.00 од истото место. Превозот за назад е во 16.30 од Попова Шапка. Цената во еден правец е 100 денари.

Напомена:
- За психофизичката состојба одговара секој учесник самостојно;
- П.К. „Јелак“ и П.К. „Тетекс“ обезбедуваат водичи;
- Исхраната ја обезбедува секој учесник самостојно.

Подетални информации ќе бидат објавени на официјалниот event на facebook

https://www.facebook.com/events/434581186656516/